Kryetari i partisë Nisma, Fatmir Limaj, ka bërë sot disa komente për rininë e vendit për rastin e Ditës Ndërkombëtare të Rinisë.

Limaj ka thënë se rinisë së vendit duhet të u jipet përgjegjësi më e madhe dhe hapësirë më e madhe në vendimmarrje.

“Kosova është me fat që ka një rini të shëndoshë, inovative, kreative dhe me plot energji pozitive, të gatshëm që të kontribuojnë në shtetndërtimin e vendit. Është koha që rinia të marrë përgjegjësi më të mëdha dhe t’u krijohet më shumë hapësirë në vendimmarrje”, ka thënë numri një i Nismës.

Numri një i NISMA-s theksoi se përkushtim i tij është që të rinjtë të kenë pozita më të barabartë në shoqëri.

“Përkushtimi dhe angazhimi ynë i vazhdueshëm është që rinia të ketë pozitë sa më të barabartë në shoqërinë tonë si dhe të ketë mundësi të barabarta me të rinjtë evropianë.”